Einxhel Shkira dhe Beatrix Ramosaj që brenda shtëpisë së “Big bRother Vip” kishin një marrëdhënie të mirë me njëra-tjetërn, por nuk është e njëjta gjë për ish të dashurin e këngëtares.
Bëhet fjalë për Donaldin dhe Einxhel të cilët patën një nga debatet më të fortë brenda shtëpisë, duke krisur njëherë e mirë marrëdhënien e tyre.
Me përfundimin e lojës, këto raporte nuk kanë ndryshuar ende mes tyre, por kanë ndryshuar për Einxhel dhe Beatrix që patën një ftohje që erdhi si pasojë e tensioneve mes moderatores dhe Donaldit.
Beatrix ka bërë deklaratën e papritur për Einxhel në rrjetin social Tëitter ku mes tjerash është shprehur se Einxhel ishte atje për të kur ajo kishte nevojë.
“Einxhel ishte aty për mua kur askush tjetër nuk ishte. Ne kemi gabimet tona por në fund çfarë vlen janë qëllimet e mira prapa tyre. E dua me gjithë zemrën. Ne jetojmë dhe mësojmë, kjo është moto”.
Nga ana tjetër, nuk ka munguar as një përgjigje nga Einxhel që ka shkruar se donte vetëm që ajo të ishte e lumtur.
“Unë vetëm doja të jesh e lumtur dhe këtë e doje për mua gjithashtu. Jam e sigurtë për këtë sepse e kam parë në sytë e tu qindra herë. Dhe kjo është çka vlen për mua tani”.
Së fundmi biseda mes ty dy vajzave është përmbyllur me Trixën që është shprehur se do ta përqafojë shumë në këto momente Einxhelin.
Kujtojmë se, asokohe Einxhel është shprehur se Donaldi e ka përdorur vetëm për lojë Beatrix dhe kjo e fundit nuk e priti mirë këtë deklaratë. Kur u pyet nëse do donte t’i thoshte diçka Einxhel, këngëtarja refuzoi por tha se nuk është ndjerë mirë. Ajo mbështeti publikisht Donaldin duke shkruar: “Ti i ha sherret e debatet për mëngjes. Je më i vërteti aty brenda. Qëndro i fortë! Me ty deri në fund!”
Discussion about this post