Pas Shkodrës, ish-kryeministri Sali Berisha do vijojë me takimet për “Foltoren” me demokratët e bazës në qytetin e Gjirokastrës.
Berisha shkruan në Facebook, se “Foltorja: Për një Parti Demokratike më të bashkuar, më të fortë, më të hapur”, do të mbahet ditën e mërkurë në orën 18:00 në sallën e Hotel Olimpik.
Foltorja e Berishës nisi pasi kreu demokrat Lulzim Basha vendosi përjashtimin e tij nga grupi parlamentar i PD pas presioneve të shumta nga SHBA. Vetë Berisha në takimet e zhvilluara ka akuzuar Bashën se ai shiti sovranitetin e PD dhe bëri kompromise për karrigen e tij.
Gjithashtu, Berisha tha nga Shkodra se ka prova që Lulzim Bashës ndër vite i ka kërkuar dorëheqjen. Ai tha se në iPad-in e tij ka “dokumente” që faktojnë bisedat me Bashën në zyrë.
