Pas takimit me kryeministrin Edi Rama, nënë Liza ka deklaruar se nuk beson asgjë që iu është thënë në takim, ku i pranishëm ka qenë dhe nënkryetari Arben Mazniku. Nënë Liza tha se nuk del nga shtëpia pa pasur në dorë një kontratë të firmosur nga Bashkia e Tiranës dhe se Rama nuk i ka dhënë asnjë garanci.
“Asnjë garanci nuk dha! As kontratë, as asgjë! Nuk besoj gjallë, fjalët i merr era, 50 këtu, jo s’dal nga shtëpia, kontratën e firmos kur ta marr nga Bashkia. E di kur ulena, kur ta vulosi kryetari i Bashkisë me noter e me të gjitha. Nuk kam mundësi me i fal shtetit. Metrat katrore i dua të gjitha, nuk kërkoj vilë, dua shtëpinë si kam pasur, isha në proces legalizimi, na e kanë bllokuar”, tha nënë Liza.
Ndërsa, kryeministri Rama tha në deklaratë për mediat se këta banorë do i marrin shtëpitë e tyre kur ti kenë gati, por duke theksuar se nuk do rindërtohen siç ishin.
Discussion about this post