Gjatë konferencës për shtyp të mbajtur nga Ministrja e Jashtme Olta Xhaçka, në prani të Përfaqësuesit Special të Gjermanisë për Ballkanin Perëndimor, Manuel Sarrazin ka kërkuar caktimin e një date për mbajtjen e konferencës së parë ndërqeveritare me Shqipërinë. Në fjalën e saj, Xhaçka tha se BE-ja duhet të tregojë një angazhim të prerë për rajonin e Ballkanit, në një kohë kur lufta në Ukrainë ka krijuar pasiguri për destabilitet.
Xhaçka gjithashtu tha se tani është koha që BE-ja të marrë masa, duke artikuluar një vizion të qartë integrimi për çdo vend të Rajonit, sidomos në zonat ku ka potencial për konflikte.
“Sot është koha për të vepruar dhe për të shënuar arritje të prekshme nga caktimi i një date për mbajtjen e konferencës së parë ndërqeveritare dhe në artikulimin e një vizioni të qartë integrimi për çdo vend të Rajonit sidomos në zonat ku ka potencial për konflikt dhe ky potencial në Rajonin tonë edhe para luftës në Ukrainën ka qen ëmë i lartë se në çdo periudhë tjetër këto 20 vite. Liberalizimi i vizave për Kosovën do ishin hapa të mirëpritur. Shqipëria ka ndërmarrë nisma të guximshme rajonale dhe po luan një rol të dorës së parë bashkë me partnerët për Ukrainën. Na duhet angazhimi i prerë i BE dhe i gjithë aleatëve në një kohë kur kriza në Ukrainën ka krijuar kaq shumë pasiguri për destabilizim“ – tha Xhaçka.
Ndërkohë, Sarrazin tha se qeveria gjermane do të jetë në anë të Shqipërisë dhe theksoi rëndësinë e krijimit të një tregu të përbashkët rajonal, i cili përbën një pikë shumë të rëndësishme për Gjermaninë.
“Në kuadër të realizimit të planit veprimit të 2020 për krijimin e një tregu të përbashkët rajonal që është me rëndësi për ne,. se çfarë mund të arrihet përmes këtij bashkëpunimi shikohet shumë mirë edhe ën tiranë si shërbimet për të rinj, heqja e tarifave roaming. pavarësisht krizës në Ukrainë tema e mjedisit është me rëndësi dhe jemi të gatshëm të mbështesim energjitë e rinovueshme në mbrojtje te mjedisit. jam këtu se së bashku me qeverinë Gjermaninë do jemi në anë të Shqipërisë“, u tha ai.
Gjatë vizitës në Shqipëri, Sarrazin do të zhvillojë takime edhe me Enkelejd Alibeajn dhe Genc Pollon.
Discussion about this post