Pas vizitës që zhvilloi në Tiranë dhe Shkup, presidentja e Komisionit Europian, Ursula von der Leyen, do të vizitojë sot Kosovën, si pjesë e vizitës rajonale në vendet e Ballkanit Perëndimor.
Sipas mediave fqinje, ajo do të takohet me presidenten Vjosa Osmani dhe kryeministrin Albin Kurti. Më pas në orën 11.00 Von der Leyen do të vizitojë kopshtin “Cicërimat”, ku dot ë mbahet dhe konferenca e përbashkët për shtyp me kryeministrin Kurti.
Gjatë vizitës në Shqipëri, Von der Leyen takoi presidentin Meta dhe kryeministrin Rama ku gjatë konferencës me të cilin u diskutua për procesin e Rindërtimit, integrimin në BE dhe pandeminë.
Përpara Samitit BE-Ballkani Perëndimor që pritet të mbahet më 6 tetor, Ursula von der Leyen, do të jetë në Ballkanin Perëndimor nga e marta deri të enjten, për të vizituar Shqipërinë, Maqedoninë e Veriut, Kosovën, Malin e Zi, Serbinë dhe Bosnjën- Hercegovinën.
Dy javë më parë ishte kancelarja në ikje e Gjermanisë, Angela Merkel qe vizitoi Shqipërinë në kuadër të turit të lamtumirës në Ballkan.
