Pas tre ditësh mbyllje, Ambasada Gjermane ka njoftuar se do të rihapë nesër aplikimet. Në njoftim bëhet me dije se, aplikuesit të cilët preken nga mbyllja do të pajisen me takim të ri.
“Duke filluar nga dita e martë do të hapet sërish Ambasada Gjermane në Tiranë. Sektori Konsullor i Ambasadës Gjermane është i hapur përsëri që nga dita e martë 21.09.2021; Personat, të cilët janë informuar për të tërhequr pasaportat e tyre do të paraqiten në oraret e caktuara. Ju lutemi te mos dërgoni pyetje në lidhje me këtë çështje. Këtyre pyetjeve nuk do ju përgjigjemi”, thuhet në njoftim.
Kujtojmë se tre ditë më parë Ambasada doli me një njoftim publik ku thuhej se do të pezullonte punën për një afat të përcaktuar, për shkak të rritjes së rasteve me koronavirus në vendi tonë.
E.H/ gijotina.com/
