Kryetari i Partisë së Lirisë Ilir Meta me anë të një postimi në rrjetin e tij social Facebook ka bërë me dije se ka vizituar së bashku me anëtarë të PL-së ditën e sotme ambasadën britanike në Tiranë për t’i shprehur nga afër ngushëllimet për ndarjen nga jeta të Mbretëreshës Elizabeth II ambasadorit z. Alastair King-Smith.
Gjatë vizitës së tij në ambasadën britanike Meta është shprehur me anë të një mesazhi ngushëllues se populli shqiptar do t’i jetë gjithmonë mirënjohës për mbështetjen e saj të jashtëzakonshme ndaj Shqipërisë dhe shqiptarëve duke e theksuar momentet më të vështira që ka kaluar vendi.
“Sot në emër të Partisë së Lirisë, në ambientet e Ambasadës Britanike në Tiranë, i shpreha ngushëllimet Ambasadorit Britanik, Shkëlqesisë së Tij z. Alastair King-Smith, për ndarjen nga jeta të Madhërisë së Saj, Mbretëreshës Elizabeth II. Populli shqiptar do t’i jetë gjithmonë mirënjohës për mbështetjen e Saj të jashtëzakonshme ndaj Shqipërisë dhe shqiptarëve, sidomos në momentet më të vështira.”
Discussion about this post