Pasaportat e prodhuara nga “IdentiTek”, ja çfarë ka ndryshuar tjetër

Nga dita e martë, 1 gusht 2023, kartat e identitetit (ID) dhe pasaportat biometrike shqiptare do të prodhohen nga kompania e re shtetërore “IdentiTek”.

Kuponat për aplikime tashmë gjenden pranë Postës Shqiptare, ku nga sot ka nisur shpërndarja me logon “IdentiTek”.

Aktualisht bëhet vetëm aplikimi për pasaportë me periudhën normale, me kuponë në vlerën 7500 lekë dhe ende nuk kanë dalë kuponët për pasaportat e shpejta 2 ose 3 ditore. Shërbimi i tyre do të fillojë nga dita e mërkurë.

Ajo që ka ndryshuar në këtë proces është vetëm kompania, ndërsa çmimet vazhdojnë të mbeten të njëjta.