Anëtari i Kryesisë së Partisë Demokratike, Belind Këlliçi, ka reaguar me tone të forta pas vizitës në Tiranë të Shefes së Politikës së Jashtme të BE-së, Kaja Kallas.
Në një status në Facebook, Këlliçi e cilëson takimin si “tragjikomedi”, duke ironizuar kontrastin mes deklaratave të Kallas dhe qëndrimeve të kryeministrit Rama.
Sipas tij, ndërsa BE kërkon reforma shtetformuese për integrimin, Rama përpiqet të mashtrojë me idenë e “pasaportës europiane me mik”.
Ai akuzon Ramën se përfaqëson një regjim të bazuar në hajdutëri të organizuar, krejt në kontrast me modelin europian.
Këlliçi shprehet se vetë procesi i integrimit është fundi politik i Edi Ramës, ndaj dhe përpiqet ta deformojë.
“Qytetarët e dinë: me Ramën nuk ka Europë, ka vetëm korrupsion, shpopullim dhe keqqeverisje,” shprehet ai.
Postimi
Tragjikomedia e radhës u luajt me Shefen e Politikës së Jashtme Kaja Kallas dhe kryeministrin më të pasur të vendit më të varfër të Europës.
Kjo kontradiktë është e pritshme. Ndërsa Europa po përballet me sfida të mëdha dhe po forcon institucionet e veta, regjimi i Ramës i bazuar në hajdutërinë e organizuar është në kontrast të plotë me modelin europian shtetformues.
Vetë procesi i integrimit europian është fundi i tij politik.
Ai e di shumë mirë këtë.
Por edhe qytetarët shqiptarë e dinë se me Ramën nuk ka Europë. Ka korrupsion, shpopullim dhe keqqeverisje.
Discussion about this post