Dy vëllezër, Zarif dhe Shpëtim Konja, janë përfshirë në një konflikt të dhunshëm këtë mbrëmje në fshatin Gradishtë, Bashkia Divjakë. Ngjarja ka degjeneruar në përdorimin e armëve, kur Zarif Konja ka qëlluar me armë ndaj vëllait të tij, Shpëtimit.
Sipas informacioneve, të shtënat nuk e kanë prekur Shpëtim Konjën, por pas ngjarjes, Zarifi është larguar në drejtim të paditur.
Policia ka sekuestruar një armë gjahu tip karabinë dhe katër gëzhoja nga vendngjarja. Shënjestra e të shtënave ka qenë një mjet i parkuar në anë të rrugës dhe tenda e një lavazhoje.
Policia ka ndaluar Shpëtim Konjën për të sqaruar rrethanat e ngjarjes dhe është duke pyetur edhe persona të tjerë që mund të kenë qenë dëshmitarë të konfliktit. Ndërkohë, ende nuk dihen motivet që kanë çuar në këtë përplasje mes dy vëllezërve.
Discussion about this post