Festa e Pashkëve në fshatin Nartë të Vlorës shoqërohet çdo vit me organizimin e karnavaleve. Elemente tipike të kësaj feste janë maskat e shumta, të cilat përfshijnë nga figura të njohura popullore, personazhe filmash vizatimorë, por dhe kostume të bëra vetë.
Banorët grumbullohen në qendër të fshatit, ku vallja, humori dhe hareja janë kryefjala e kësaj feste.
Ndërkohë midis pjesëmarrësve ka edhe nga ata që kanë ardhur nga Greqia, Italia e Anglia për t’ju bashkuar festimeve.
Festa e Karnavaleve vazhdon për tre ditë me radhë, që nga e diela e madhe e Pashkëve deri të Martën në mbrëmje.
Discussion about this post