Pasi iu bllokua arma, qëlloi me thikë, detaje nga vrasjet në Tiranë

Gazetari Besar Bajraktari ka zbuluar detaje të reja nga vrasja e trefishtë që ndodhi këtë të mërkurë në Tiranë, me autor Ramazan (Dan) Hutra.

Në emisionin “Now” në Euronews Albania, Bajraktari u shpreh se Hutra i kishte planifikuar vrasjet.

Sipas gazetarit, në një nga rastet atij iu bllokua arma dhe më pas qëlloi me thikë.

“Edhe nga informacionet që policia ka dhënë gjatë ditës së sotme, kemi të bëjmë me një person që e ka paramenduar një krim të tillë. Ka pasur të gjitha mjetet e nevojshme, ka pasur edhe mjete rezervë, siç ishte përdorimi i thikës në rastin e dytë, pasi kishte kryer një plagosje tjetër.

Në momentin që iu bllokua arma, ai qëlloi me thikë. Siç duket, ai e ka planifikuar të gjithë këtë”, theksoi ai.