Edhe fondet e vogla ndahen me miqësi nga kryetari Erion Veliaj, prandaj nuk ka me kuptim zhvillimi i tenderave në Bashkinë Tiranë. Ky që do të raportojmë është një nga ato tendera që zhvillohen formalisht sepse fituesi dihet qysh më parë. Kështu, pasi janë shpenzuar qindra milionë lekë për prerjen pa kriter të drurëve dhe transportin e tyre ka mbetur edhe një tender plotësues.
Këtë herë Veliaj, përmes Agjencisë së Parqeve dhe Rekreacionit po shpenzon 33 milionë lekë (përfshirë TVSH) për mbulesë mushamaje dhe thasë për mbajtjen e tyre.
Po flasim për tenderin me objekt ‘Blerje materiale për ruajtjen dhe transportin e materialit drusor’. Nuk tregohet se ku janë prerë këto drurë, ku është vendi që do merren dhe deri ku do të transportohen, as sa metër kub material do të mbulohet me këto meteriale. Gjithsesi komisioni ka llogaritur se ky fond mjafton për furnizimin me thasë PVC, mushama mbulimi dhe litarë.
Tenderin është njoftuar më më datë 17 tetor 2024 dhe ishte lënë afati për dorëzimin e ofertave deri më 29 tetor 2024.
Për këtë tender ka shfaqur interes vetëm kompania AN&RA, në pronësi të Anton Rajtës.
Nuk ka patur ankesa dhe skualifikime, shkruhet në dokument nga agjencia. Por si të kishte të tillë kur firma në fjalë nuk kishte asnjë konkurrent përballë, nuk u mbajë asnjë garë dhe kontrata ishte e destinuar për të .
Open Data Albania e ka klasifikuar tenderin me “Flamur të Kuq”, që vendoset kur ka risk korrupsioni. Për Veliajn ka çdo ditë ka Flamuj të Kuq, ndërkohë që priten përfundimet e hetimit të SPAK pësa çështje ku është i përfshirë edhe kryetari.
Theksojmë se firma AN&RA është në listën e kompanive të favorizuara nga Erion Veliaj, të cilat marrin çdo tender furnizimi për drejtoritë dhe agjencitë e varësisë.
Ku do të sillnim në kujtesë një prokurim që bëri edhe më shumë bujë. Një vit më parë Drejtoria e Kopshteve dhe Çerdheve në Tiranë, me aprovimin e Veliajt, zhvilloi tenderin me objekt “Blerje mjete didaktike”, me një fond limit rreth 95 milionë lekë të vjetra me TVSH. Ku ra në sy dhe u bë diskutim në rrjet fakti që ishte përfshire blerja e topuzëve me ngjyrat e ylberit. Kjo u duk si një taktikë e Veliajt e qëllimshme që zhurma të fshihte shpërdorimin e fondit. Atë tender e fitoi pa garë firma AN&RA e cila duket se mban marrëdhënie të mira me kryebashkiakun.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post