Pas presioneve të shumta të kryeministrit Edi Rama se bashkisë duhet të mbajnë pastër mjedisin, ndryshe do të ketë masa administrative ndaj tyre, kryetari i Bashkisë së Kukësit duket se i është futur punës.
Gjici i ka bërë thirrje qytetarëve të mbajnë pastër mjedisin, dhe në gjurmët e kryeministrit, kërcënon se askush nuk do të falet.
Edhe pse në Kukës vihet re fare mirë se mbeturinat mbizotërojnë kudo, Gjici ka vijuar më tej duke bërë deklarata përtej normales, teksa tha se investimit e Kukësit nuk janë bërë as në Gjermani.
“Ndërgjegjësimi qytetar për një mjedis më të pastër. Njeriu duhet të jetojë në mjedis të pastër, e jo të ndotur nga mbeturinat. Çdo kush mund të ndihmojë. Eja dhe ti! Bashkoju nismës për një mjedis sa më të pastër. Të gjithë bashkë për Kukësin që duam. Që kur kemi marrë bashkinë i kemi dhënë prioritet pastrimit të qytetit. Ky investim që është bërë këtu, si është, sikur thonë edhe disa që vijnë nga Gjermania, edhe në Gjermani nuk e gjejnë këtë investim. Nuk dua të them që ne krahasohemi me Gjermaninë, se është krahasim shumë i madh” tha Gjici.
Discussion about this post