Dyfishimi i çmimit të patentës ka bërë që qytetarët në Elbasan të dynden pranë qendrave shëndetësore për të marrë dokumentet përkatëse që bëjnë të mundur nisjen e procedurave për pajisjen me lejen e drejtimit. Në orët e para të mëngjesit, qytetarët shihen në radhë teksa i drejtohen mjekëve specialistë për të marrë vërtetimet përkatëse për plotësimin e formularit.
Disa nga qytetarët e pyetur nga mediat shqiptare në Elbasan janë shprehur që rritja e çmimit të patentës nuk e zhduk korrupsionin, por në rastin e kundërt e shton atë.
“As nuk dua ta di ka apo s’ka, për mua është zero fare, s’ka pare populli, fukarallik, vete patenta 850 mijë, turpi i botës, po thuaj s’ka shtet, unë s’i kam ato lekë. Kjo po e shton më tepër borxhin, nuk mbaron korrupsioni në këtë botë, as këtu ku jemi ne, ndryshe do kishim ecur përpara, këtu korrupsioni shtohet përditë.”
“Në këto kushte, vendim i padrejtë është, nuk është normale në këtë ditë sot, pagat janë të ulëta, halle kemi. Unë mendoj që kjo do eshtojë korrupsionin. Më prek kjo rritje, se kemi shumë halle të tjera. Është vendim i padrejtë.”
“Ka dyndje sepse qytetarët u trembën dhe menduan se u rrit patenta dhe u çuan, megjithatë këtu i kanë marr masat. Çmimi nuk është rritur, qe një keqkuptim dhe këta u dyndën të gjithë me vrap. Ky popull mban, kështu tha dhe Rama, o të hyjë në shina o të dalë.”
Discussion about this post