Victor Lindelof pati një shqetësim në zemër gjatë ndeshjes së Manchester United me Norwich, duke u detyruar të linte fushën në mënyrë të menjëhershme.
Mbrojtësi u rrëzua kishte dorën në gjoks kur mjekët e United u vërsulën në fushë gjatë pjesës së dytë të fitores 1-0 të United në ‘Carrow Road’.
27-vjeçari u ankua për dhimbje në gjoks dhe një puls të shpejtë pas një përplasjeje jo të rëndë. Pas disa minutash ai u hoq nga fusha dhe u zëvendësua nga Eric Bailly.
Portieri David de Gea tha se incidenti ngjalli kujtime të kolapsit të Christian Eriksen në Euro 2020 kur danezi pësoi një atak kardiak.
Trajneri i United, Ralf Rangnick zbuloi: “Victor kishte probleme me frymëmarrjen dhe rrahjet e tij të zemrës ishin më të larta se normalja. Ai ishte pak i tronditur. Ai nuk e mban mend se si ndodhi, por ai pati një përplasje me një lojtar tjetër. Pas ndeshjes e kontrolluam. Duket se gjithçka është në rregull, por do të duhet të shohim nesër. Shpresoj se ai do të jetë i gatshëm për të martën kundër Brentford.”
Eriksen u rizgjua në fushë pasi u rrëzua gjatë ndeshjes hapëse të Danimarkës kundër Finlandës dhe mbijetoi falë veprimeve të shpejta nga shokët e skuadrës dhe mjekët.
Ish-sulmuesi i Manchester City-t, Sergio Aguero, u diagnostikua me një aritmi kardiake pasi pësoi dhimbje në gjoks kur luante për Barcelonën kundër Alaves.
E ardhmja e Agueros në lojë mbetet e paqartë dhe De Gea tha: “Ne pamë disa lojtarë që po ndiejnë pak probleme me frymëmarrjen e tyre. Ne pamë Eriksen dhe Agueron. Është e vështirë të shohësh lojtarët e tu që sillen kështu dhe shpresoj që ai të jetë mirë. Sapo pashë se ishte vështirësi në frymëmarrje, nuk ka rëndësi për lojën, gjëja kryesore është të jesh i sigurt.”
Menjëherë pasi Lindelof doli nga loja, Cristiano Ronaldo, që ishte realizuesi i golit të vetëm që ndante skuadrat.
Kjo e lë trajnerin Rangnick të pamposhtur në tre ndeshjet e tij në krye që kur zëvendësoi Ole Gunnar Solskjaer të shkarkuar dhe janë tre fitore në Premier League për United, i cili u ngjit në vendin e pestë, duke barazuar pikët me West Ham të vendit të katërt, i cili ka një ndeshje më pak./K.T/Gijotina.com
Discussion about this post