Partia Demokratike ka deklaruar ditën e sotme se qeveria vetëm në këto dy muajt e fundit i ka shkaktuar vendit 40 milionë euro dëme. Përmes një deklarate për mediet, deputetja Ilda Dhori qeveria ka deklaroi se, qeveria favorizuar koncesionarë për ndërtimin e tunelit të Llogarasë dhe ndërtimet tek Unaza e madhe, duke vjedhur nga xhepi i taksapaguesve 10 milionë euro dhe 12 milionë euro respektivisht për secilin nga dy projektet.
Sipas saj, kjo është arsyeja e vërtetet pse qeveria mashtron qytetarët duke thënë se kemi krizë energjie, kur në fakt për muajin tetor ka blerë energji me çmim shumë të lartë se bursa.
“Prej ditësh qeveria po përpiqet të shesë si krizë energjie, krizën e korrupsionit dhe keqmenaxhimit të KESH dhe OSHEE. Pas kësaj krize, qeveria po përpiqet të fshehë përgjegjësitë e saj, për gjendjen ekonomike në të cilën ndodhet shumica e familjeve shqiptare dhe sipërmarrësit e ndershëm, që nuk konkurrojnë dot në një ekonomi jo konkurruese, të përqendruar në pak duar. Që kjo është një krizë korrupsioni dhe jo energjie, kuptohet edhe nga zgjedhjet e papërgjegjshme që qeveria ka bërë vetëm midis muajve shtator dhe tetor.
Sepse ndërkohë që flasin për krizë, u kanë shkaktuar qytetarëve shqiptarë një dëm ekonomik prej 40 milionë eurosh. 10.6 milionë euro për blerjen e energjisë me çmimin më të lartë se bursa nga ana e OSHEE; 12 milionë euro, duke përzgjedhur kompaninë me ofertën më të shtrenjtë për tunelin e Llogarasë; 17.4 milionë euro, duke përzgjedhur ofertat më të shtrenjta për ndërtimin e Unazës së Madhe të Tiranës”, tha ajo.
Kështu, ajo theksoi se qeveria e drejtuar nga Rama çdo ditë e më shumë po rrit varfërinë, papunësinë dhe tashmë çmimet e ushqimeve, çka ka bërë që qytetarët të zhyten në borxhe. “Pra, të nderuar qytetarë, kriza për të cilën flasin, është për ju, jo për qeverinë.
Sepse ndërkohë që varfëria, papunësia, çmimet dhe listat nëpër dyqane rriten, qeveria vazhdon të dëmtojë interesat e qytetarëve shqiptarë.
Partia Demokratike ka denoncuar dhe do të denoncojë të gjitha skandalet e kësaj qeverie dhe i bëjmë thirrje SPAK të hetojë me përparësi këto shpërdorime, me
taksat e shqiptarëve duke i dhënë fund pandëshkueshmërisë”, tha ajo.
Sipas saj, shqiptarët janë qytetarët më të më të varfër në Europë.
