Deputeti Belind Këlliçi ka reaguar pasi u kallëzua në SPAK nga sekretari i Përgjithshëm Gazment Bardhi, për akuzën e falsifikimit të vulës së PD në Kuvendin e thirrur nga ish-kryeministrit Sali Berisha.
Këlliçi shkruan në Facebook se nuk frikësohet aspak nga padia e Bardhit, të cilit i tregon dhe derën për të dalë nga selia e Partisë Demokratike, pas shkarkimit në Kuvendin e Berishës.
“Ndaj meje janë depozituar 11 padi në SPAK nga Erion Veliaj, Ardian Çela, Mirel Mërtiri dhe gjithë fijet e tjera të pushtetit okult të Edi Ramës. Sot m’u shtua edhe një, nga Gazment Bardhi!
Zoti Bardhi! Ju dhe ish kryetari ynë jeni shkarkuar nga funksionet tuaja nga Kuvendi Kombëtar i Partisë Demokratike më 11 dhjetor 2021. Me padinë tënde të porositur s’ma bën syri tërr. Ju sugjeroj të përdorni si dalje nga selia derën e FRPD-së, në anën perëndimore të godinës”, shkruan Këlliçi.
Kjo deklaratë erdhi pasi Basha njoftoi kallëzimin në SPAK ndaj Belind Këlliçit, Albana Vokshit, Edmond Spahos, Ivi Kasos dhe Ervin Minarollit me akuzën e falsifikimit të vulës së PD në Kuvendin e Berishës.
Discussion about this post