Ditën e sotme ministrja e Shëndetësisë, Ogerta Manastirliu, ka prezantuar në Komisionin e Ekonomisë buxhetin 2022 për sektorin që ajo drejton. Gjatë fjalës së saj, ministrja tregoi se do të rriten pagat me 6% për 18 mjekë dhe infermierë dhe 2.7 miliardë lekë do të jenë në dispozicion për vaksinat anti-covid. Por, në këtë pikë ajo është hasur me kritikat e opozitës, të cilët e quajnë tallje indeksimin e pagave me këtë nivel. Deputeti Arbër Agalliu tha se ky është ofendim, madje sipas tij nuk mund të thuash po rrisim pagat, kur i rrit vetëm 6%.
Sipas tij, qeveria duhet të mendoj një plan më të mirë për të mbajtur mjekët në vend, pasi në dy vitet e fundit kemi pasur një bum largimesh. “Inkurajomë fort rritjen e pagave. Por me 6 % është ofendues për pjesën e shëndetësisë. E gjithë trupa e mjekëve ka qenë dhe është në një presion të jashtëzakonshëm që nga përballimi i pandemisë dhe me presionit e të gjithë shoqërisë në raport me ta. Të rritet paga me 6 % kur çmimet rriten shumë më shumë se kaq dhe kemi një largim të madh të mjekëve nga Shqipëria. Rritja duhet të ishte shumë më tepër. Sa mjeke janë larguar në 2 vitet e fundit nga Shqipëria dhe si do e kompensoni këtë vakum”, u shpreh ai.
Ndër të tjera, bëhet me dije se qeveria ka vendosur në dispozicion të Shëndetësisë një buxhet prej 7 miliardë lekë ose 12.6 % më shumë se 2021. Sa i përket kohës së urgjencës kombëtare, Manastirliu tha se, do vijnë 20 autoambulanca të reja brenda vitit që do shpërndahen në të gjitha spitalet e vendit dhe aty ku janë zona të thella që të ulet koha e pritjes sa i përket thirrjes së urgjencave. E.H/gijotina.com/
Discussion about this post