Partia Demokratike ka publikuar pamje nga tubimet dhe protesta e fundit e 8 janarit e thirrur nga Sali Berisha, ku sipas selisë blu tregohet se demokratët e kanë braktisur ish-kryeministrin. Në deklaratën e Partisë Demokratike theksohet se 8 janari tregoi fytyrën e vërtetë të Sali Berishës.
Sipas PD, për interesin e tij Berisha dhunoi shtëpinë e demokratëve dhe ishte gati të derdhte gjakun e tyre, për këtë PD nuk do të kthehet kurrë në strehë apo avokate të të korruptuarve.
“I braktisur nga demokratët Sali Berisha vjen vërdallë duke mashtruar e kërcënuar këdo që nuk mendon si ai. 8 janari tregoi fytyrën e vërtetë të Sali Berishës. Për interesin e tij Berisha dhunoi shtëpinë e demokratëve dhe ishte gati të derdhte gjakun e tyre. Por as ai, as aleatët e tij nuk do ta marrin peng Partinë Demokratike për hallet e tyre personale. Partia Demokratike nuk do të jetë kurrë më as streha dhe as avokate e të korruptuarve. Demokratët kanë zgjedhur të ardhmen, për t’u dhënë shqiptarëve ndryshimin që duan” – thuhet në reagimin e PD-së.
Discussion about this post