Grupi parlamentar i Partisë Demokratrike do të mblidhet ditën e sotme në orën 19:00, vetëm një ditë para seancës së radhës parlamentare ku pritet të votohet qeveria e re.
“Sot, në orën 19:00 në seli do të zhvillojmë mbledhje grupi lidhur me seancën nesër, seancë me tepër rëndësi”, thuhet në njoftimin nga selia blu.
Në fokus të mbledhjes së Grupit Demokrat do të jetë seanca e nesërme plenare, e cila pritet të miratojë qeverinë e re dhe programin qeverisës “Rama3”.
