Një orë pas mbledhjes së partisë socialiste, Basha vendos të mbledhë sot Kryesinë e Grupit Parlamentar të PD-së.
Mësohet se takimi do të nisë në orën 12:30, në selinë blu.
Akoma nuk dihet se cilat janë temat që do të diskutohen, por pas vendimit për të përjashtuar Sali Berishën, ditët e fundit ka pasur zhvillime të rëndësishme në këtë seli e cila tashmë është ndarë në dy kampe.
Lideri historik i PD-së ka nisur një tur takimesh me demokratët në të gjithë Shqipërinë ku kërkon që nëpërmjet referendumit të përcaktohet kryetari i ri i PD-së.
Vetëm 5 ditë më parë, kreu aktual i opozitës Lulzim Basha mblodhi grupin parlamentar, ku në fokus të diskutimit ishte pandemia e Covid-19, tërmeti dhe kriminaliteti në vend, çështje këto që PD pretendon se socialistët kanë dështuar gjatë mandateve të tyre.
