Në seancën e zhvilluar ditën e sotme deputetët nga radhët e PD kanë hedhur akuza të forta për inceneratorin e Elbasanit. Gjatë dëshmisë së kryebashkiakut Gledjan Llataj, deputetët zbuluan shkeljen e ligjit sa i përket emergjencës mjedisore.
Ata ngritën shqetësimin nëse kompania që ka marrë inceneratorin e Elbasanit ka krijuar një venddepozitimi për hirin pasi ka përmbajte kancergjene.
Sipas deputetit të Elbasanit Luçiano Boçi, kompania Albteg Energy ka marrë pagesat për krijimin e një venddepozitimi për hirin, por kontrata nuk është zbatuar dhe kjo mbetje përfundon në landfill.
Në debat me Llatjan, deputeti Laçiano Boçi ka deklaruar se janë shmangur strukturat qëllimisht, për të krijuar mundësinë e negocimit të drejtpërdrejtë për inceneratorin me vlerën rreth 26 milionë euro.
Kryebashkiaku i Elbasanit pretendon se në vitin 2007 i ka nisur një shkresë qeverisë së asaj kohe, ku e ka njohur me situatën dhe një vit më pas me vendimin e Këshillit Bashkiak është miratuar shpallja e gjendjes së emergjencës.
“Ka pasur një sërë korrespodencash për çështjen e plehrave në Elbasan, ka qenë një situatë e përsëritur vit pas viti, derisa është shpallur emergjenca mjedisore në 2014. korrespodenca ka nisur që të vitin 2007, dhe i është kërkuar mbështetje zotit Berisha. Ishte i domosdoshëm ndërtimi i një impianti në Bashkinë e Elbasanit. Është një gjë shumë e mirë për Elbasanin. Është një paradoks i madh nga ku ishim dhe ku jemi sot”, tha ai. Ndërsa Tabaku e revoltuar se ky është një tjetër dëm i madh financiar dhe shëndetësor për qytetarët, prandaj nuk mund të kalohet kaq lehtë.
Discussion about this post