Vendimi i kreut demokrat Lulzim Basha për zgjatjen e organeve të Vettingut, është pritur mirë nga deputetët brenda kësaj force opozitare. Deputeti i Partisë Demokratike, Dash Sula në fjalën e tij në mbledhjen e grupit parlamentar, u shpreh se vendimi i Bashës e bën krenar për rrugën që ka zgjedhur opozita në Kuvend.
“Vendimi që keni marrë, vendim prej lideri. Jemi krenar për rrugën që kemi zgjedhur. Kjo është ndarja përfundimtare nga e shkuara, ”tha në fjalën e tij Dash Sula.
Burimet bëjnë të ditur se Basha ka pasur mbrëmjen e djeshme negociata me zyrtarë të lartë të prezencës së BE dhe SHBA në Tiranë, për të votuar pro zgjatjes së “Vettingut”. Të njëjtat burime bëjnë të ditur se Basha parimisht ka deklaruar se nuk do të bëhet pengesë për drejtësinë. Megjithatë gjithçka pritet të vendoset sot në Kuvend.
Discussion about this post