Presidenti Ilir Meta ka nisur ditën sot me tone të ashpra ndaj Kuvendi. Ai ka reaguar përmes një video në lidhje me falsifikimin e dokumenteve nga ana e Kuvendit në lidhje me procesin e shkarkimit të tij.
Meta e cilëson atë si një grusht shteti ndaj presidentit. Ai shkon më tej se çfarë garancie mund të kenë qytetarët që ligjet të cilat votohen në Kuvend të zbardhen besnikërisht.
“Akti i rëndë i falsifikimit të Kuvendit është një procedurë mafioze, një përpjekje për të finalizuar një GRUSHT SHTETI KUNDËR KREUT TË SHTETIT. Çfarë mund të thuash për letrat që kërkojnë banorët e 5 Majit? Çfarë garancie kemi ne, si qytetarë të Republikës, që ligjet që votohen në Kuvend, zbardhen besnikërisht? Çfarë garancie kemi ne, që pronat, hipotekat dhe çdo gjë që u takon qytetarëve shqiptarë nuk falsifikohen”, u shpreh ai. Kujtojmë se, pak ditë më parë dhe këshilltari i Metës publikoi 11 pika, që sipas tij tregojnë faktin që Kuvendi ka shkelur ligjin në lidhje me procesin e shkarkimit.
Discussion about this post