Partia Demokratike ka publikuar sot një video përmes të cilës tregon detaje të reja nga afera e inceneratorëve. Në deklaratë thuhet se, në Agjencinë e Prokurimeve Publike nuk ekziston asnjë procedurë që lidhet me inceneratorin e Elbasnin. Më tutje theksohet se APP e ka njoftuar Ëngjëll Agaçin për shkeljet ligjore, por ky i fundit nuk i ka marrë parasysh dhe ka firmosur shumë financiare për inceneratorin.
“Edi Rama nuk mund të lajë duart nga përgjegjësia për aferën prej 430 milionë euro. Një shkelje masive e ligjeve të vendit nuk mund të kryhej pa miratimin e Edi Ramës Në Agjesinë e Prokurimeve Publike nuk ekziston asnjë procedurë koncesioni për inceneratorin e Elbasanit; APP ka njoftuar Ëngjëll Agaçin se procedura për inceneratorin e Elbasanit nuk ishte ligjore. Agaçi përgatiti VKM-në dhe kaloi mbështetjen financiare”, thuhet në deklaratë.
Ndër të tjera, PD thekson se koncesionin e fitoi një kompani që nuk ishte parashikuar, pa dokumente dhe që nuk ka asnjë lidhje me incenerimin. “Koncesioni i inceneratorit të Elbasanit i është dhënë “Albtek Energy” me “negocim pa shpallje”, procedurë që ligji nuk e parashikon; Koncesioni iu dha një kompanie që nuk ka asnjë ditë eksperiencë në fushën e incenerimit”, thuhet në postim.
Kujtojmë se PD ka ngritur një Komision Hetimor për Inceneratorët, ku janë mbledhur fakte dhe dëshmi, rezultatet e të cilit priten të dalin në fillim të marsit.
Discussion about this post