Partia Demokratike thekson sërish se dënon dhunën e 8 janarit nga protestuesit e thirrur nga Berisha. Ndërsa akuzon se pas asaj proteste qëndrojnë Berisha, Rama dhe Meta, PD ka publikuar sot një video ku shprehet se të tre ata janë shkuara dhe tashmë vendi do të ndjekë të ardhmen dhe demokracinë.
Në mbishkrimin e videos thuhet se të tre ata nuk e duan Bashën në politikë për shkak se ky i fundit është partner me amerikanët dhe do të luftojë korrupsionin. Mes të tjerash në video thuhet se Rama, Berisha dhe Meta nuk e duan të mirën e vendit dhe prandaj do të mbeten e shkuara. “Edi Rama, Ilir Meta dhe Sali Berisha kanë dalë hapur tashmë kundër PD dhe Lulzim Bashës. Ata e dinë që janë e shkuara dhe mundohen të mbajnë njëri-tjetrin. Trekëndëshi i Bermudës dhe oligarkët që i mbështesin hapur me aktet dhe retorikën e tyre përçarëse të demokratëve Atyre ju intereson qëndrimi në vendnumëro, ju intereson Shqipëria e së shkuarës, jo e së ardhmes”, thuhet në postim.
Ndër të tjera në postim thuhet se, demokratët dhe shqiptarët janë bashkë në këtë betejë kundër pakicës 30-vjeçare të tranzicionit që po e mban Shqipërinë peng. “ne kemi zgjedhur të ndërtojmë të ardhmen me të mirë”, citohet në video.
Protesta e 8 janarit aprovojë edhe më shumë situatën mes mbështetësve të Berishës dhe Bsshës, ndërsa të dyja palët akuzonin qeverinë për plane dhe pakte të fshehta.
Discussion about this post