Kryetari i PD Lulzim Basha ka dhënë sot të parën intervistë televizive, lidhur me krizën politike në Partinë Demokratike, pas dorëzimit të firmave nga ish-kryeministri Sali Berisha për mbledhjen e Kuvendit Kombëtar.
Në një intervistë ekskluzive në Neës24, Robert Rakipllari, Lulzim Basha tha se është i domosdoshëm funksionimi i Statutit, përndryshe kemi të bëjmë me një “thirrje në mal, apo në pyll” dhe jo të Kuvendit të PD. Po ashtu Basha u shpreh se nuk do të lejojë që PD-ja të kthehet në një lëvizje dumbabiste.
“Ky është një moment shumë i rëndësishëm, për PD, për mua personalisht. Nuk bëhet fjalë për letra për të gjithë demokratët. Nëse aty ka 5, 50, 500, janë demokratë. Është detyra ime si kryetar i PD që gjithsecila të verifikohet sipas Statutit, që është kushtetuta që mbron të drejtat e do demokrati, që mundëson funksionimin e partisë. Pa funksionimin e statutit jemi në xhungël, ndaj është e domosdoshme që do përcaktim statutor respektohet, përndryshe është një thirrje në mal apo në pyll, vetëm Kuvend jo. PD vepron në bazë të statutit, PD nuk do jetë një lëvizje dumbabiste. Mbajtja sekret institucioneve të partisë, që pretendohet se janë vullnete demokratësh është një fyerje e madhe për çdo demokrat” – tha Basha.
Basha gjithashtu tha se e shqetëson situata në PD, pasi Foltorja i është mbivendosur aksionit të madh të PD-së për hetimin e zgjedhjeve dhe dhënien fund të lidhjes së politikanëve me krimin.
“Jam shumë i shqetësuar për PD-në, për demokratët. Koha do ta provojë, pse aktet dhe veprimet e mia, përfshi qëndrimet e këtyre dy muajve ka qenë për interesin e mirë të PD-së. Sigurisht që jam shumë i arsyeshëm. Foltorja i është mbivendosur aksionit të madh të PD-së për hetimin e zgjedhjeve dhe dhënien fund të lidhjes së politikanëve me krimin. Në përballjen e përditshme me Edi Ramën, që kanë të bëjnë me jetën e shqiptarëve, arsimin, ekonominë. Ky është prioriteti i imi si kryetar i saj. Kam bërë edhe një zgjedhje për të mos çuar një rrëke tjetër uji në mullirin e Edi Ramës, siç po bën Berisha. Siç më ka thënë një demokrat i vjetër që ta njohësh Berishën duhet ta kesh përballë, unë kam pasur një fashë para syve” – tha Basha.
Discussion about this post