Një 59-vjeçar nga Elbasani është vënë në pranga gjatë fundjavës, pasi dyshohet se përpiqej të krijonte kontakte me të mitur me synim kryerjen e marrëdhënieve seksuale.
Sipas të dhënave të deritanishme nga hetimi, burri siguronte numrat e telefonit të të miturve duke përdorur forma mashtrimi dhe joshjeje. Më pas, dyshohet se komunikonte me ta dhe përpiqej të organizonte takime.
Takimet, sipas hetimeve paraprake, planifikoheshin fillimisht në vende publike, përfshirë kafene, ndërsa më pas 59-vjeçari dyshohet se i ftonte të miturit edhe në banesë.
Autoritetet e akuzojnë atë për veprën penale “Marrëdhënie seksuale ose homoseksuale me të mitur”, të mbetur në tentativë.
Policia po vijon hetimet për të dokumentuar plotësisht rastin dhe për të sqaruar mënyrën se si i dyshuari siguronte kontaktet e të miturve.
Hetuesit po verifikojnë gjithashtu nëse në këtë çështje mund të jenë përfshirë persona të tjerë.
Materialet procedurale i kanë kaluar Prokurorisë, e cila do të vijojë me veprimet e mëtejshme ligjore.
Discussion about this post