E hëna pritet të sjellë një tjetër përballje të fortë politike mes mazhorancës dhe opozitës, kete here ne qendër të konfliktit është vete kryetari I Kuvendit. Nga salla e kuvendit debate pritet të kalojë në mbledhjen e Konferencës së kryetarëve.
Kreu i Kuvendit, Niko Peleshi, ka thirrur të hënën në orën 11:00 krerët e grupeve parlamentare për të dorëzuar propozimet për anëtarët e komisioneve parlamentare.
Por Partia Demokratike nuk ka njohur strukturën e re të Kuvendit dhe ka refuzuar të depozitojë emrat e kryetarëve të komisioneve.
PD-ja ka paralajmëruar se në Konferencën e Kryetarëve do të dorëzojë kërkesën për shkarkimin e Peleshit, duke e akuzuar atë për shkelje të Kushtetutës dhe rregullores së Kuvendit. Në seancën plenare të fundit u miratuan vetëm komisionet e propozuara nga socialistët, një vendim që opozita e ka cilësuar të paligjshëm dhe ka njoftuar se do ta sfidojë në Gjykatën Kushtetuese.
Në këtë situatë tensioni, dita e hënë pritet të sjellë një përballje të re mes mazhorancës dhe opozitës.
Discussion about this post