Një hambar përdoren, kjo i mungonte Mbrojtjes tonë për të avancuar dhe këtë e zbuloi ministri Niko Peleshi. Edhe pse sektori që ai mbulon ka mjaftë problematika, Peleshi vazhdon të zhvillojë tenderë abuzivë. Së fundmi ai ka zhvilluar tenderin me objekt “Ndërtim i infrastrukturës së nevojshme për UAV (hangari dhe mjedise shërbimi)”, në Bazën Ajrore Kuçovë, me fond limit 290,180,166 lekë të reja pa TVSH.
13 firma, mes tyre shumë të njohura për lidhjet me qeverinë, kanë shfaqur interes për të përfituar këtë kontrat, e cila do t’iu siguronte një dorë të mirë përfitimi për 12 muaj.
Pra biznesmenëve të Peleshit iu duhen një vit për të ndërtuar një hambar që do të mbajë dronat e kontrollit nga ajri.
Por, pavarësisht mundimtit të tyre për të paraqitur propozimet, Peleshi e kishte përcaktuar më herët fituesi dhe nuk u lodh të kërkonte kushte dhe kritere. Sipas dokumentit të më poshtëm 8 oferta të tjera kanë qenë më të lira dhe të gatshme për të plotësuar kërkesat e prokurimit. Gjithsesi ato nuk janë marrë parasysh, Peleshi shkoi tek oferta e 10 për nga renditja e kostos së lartë.
Ofertë e paraqitur nga firma “LLAZO” sh.p.k, në pronësi të vëllezërve Aldi e Anea Llazi. Duke cenuar konkurrencën e drejtë Peleshi ka firmosur kontratën me ta dhe shumë shpejt paratë do të lëvrohen në arkat e tyre.
Janë vetëm disa hambar për dronë dhe vetëm Peleshi mund të na e shpjegojë se përse do të shpenzojë kaq shumë para dhe përcakton një kohë kaq të gjatë për punimet.
Apo e thënë hapur, kështu mund të ndërtohet skema për të vjelë para dhe për të mos u dukur si abuzim.
Përfituesit
Por, Peleshi harron diçka se faktin që bashkëpunon me firma oligarkësh nuk mund të fshihet aq lehtë. Sikur e thamë pak më lartë firma fituese është në pronësi të dy vëllezërve me “nam”, të cilëve shpesh herë akuzohen për transport droge, gjithsesi nuk po thellohemi në këtë pikë duke qenë se nuk ka patur raste konkrete të publikuara.
Nga ana tjetër është mjaft konkret fakti që ata po privilegjohen mjaft nga Rilindja. Deri në muajin maj 2016 kjo firmë kishte marrë vetëm 1 tender me vlerë 7.2 milionë lekë të vjetra; në vitet 2017-2018 tenderët u shtuan 10 herë më tepër si vlerë, ndërsa në vitet 2019-2021 si me “shkop magjik” vlera e tenderëve u rrit në 4 milionë Euro.
E pra fitimet janë rritur por raportimi i pasqyrave financiare dhe pagesat e detyrimeve jo.
Sipas listës së pagave, ata i paguajnë punëtorët 3000 lekë të reja në muaj, ose me saktë vetëm këtë pjesë të pagës iu deklarojnë, ndërsa 132 punonjës i ka lënë pa sigurime shoqërore sipas kuotës për pension. Dhe ligjërisht, por edhe logjikisht nuk ka asnjë mundësi, që një biznesi t’i pranohet nga tatimet listë pagash 3000 lekë të reja në muaj, kur mes punonjësve ka edhe arkitektë, inxhinier topografie, ekonomistë, super vizorë e deri shofer mjetesh të rënda.
Ky mashtrim e krim fiskal jo vetëm që nuk është dënuar nga DPT dhe institucionet e tjera përkatëse por vazhdon të lejohen e të rrëmbejnë të tjera fitime nga buxheti i shtetit.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016
Discussion about this post