Në aksionin e fundit të SPAK ra në rrjet biznesmeni Pëllumb Gjoka person i cili dyshohet së është i përfshirë në krime të rënda.
Pëllumb Gjoka, dyshohet se ekzekutuar në bashkëpunim 90-vjeçaren nga Malësia e Madhe, Drane Hotaj, duke i manipuluar më pas testamentin dhe grabitur 390 mijë m2 tokë në bregdetin e Velipojës.
Lule Zefi akuzon Gjokën se i ka vrarë nënën për t’i grabitur pronën, në të cilën synon të ndërtojë një resort. E bija kërkon drejtësi për nënë e saj dhe i kërkon drejtësisë shqiptare që të zhvarros trupin e nënë dhe të kryhen ekspertizate e nevojshme për të vënë para përgjegjësisë autorët e këtij krimi monstruoz. Pëllumb Gjoka ka grabitur 390 dynym rërë në vijën bregdetare të Velipojës, duke falsifikuar dokumentet, me qëllim për të ndërtuar një resort.
“Nëna ime nxirrte shkume, ajo donte te fliste ndoshta të tregonte dua të bëhet drejtësi, Pëllumb Gjoka është krimineli që më vrau nënën kërkoj zhvarrosjen dhe të bëhet autopsia” u shpreh Lule Zefi.
Gjoka, i akuzuar nga opozita si trafikant, për krime zgjedhore dhe vrasje, në bashkëpunim me persona të tjerë, ka arritur të falsifikojë edhe firmën e prokurores Tatjana Laçej si dhe një testament të 99-vjeçares Drane Hotaj, duke u bërë pronar i rërës në Velipojë.
Skema
Nga dosja rezulton se këtë pronë e ka fituar një 99-vjeçare e ndjerë Drane Hotaj, e cila ka lindur në Velipojë, por banonte në Grizhë të Malsisë Madhe.
Pretendohet se Drane Hotaj i ka dhënë prokurë Ardian Becit për të kërkuar pronat e saj.
Beci ka paraqitur kërkesën pranë Agjencisë se Kthim Kompensimit Pronave në Tiranë për kthimin e sipërfaqes 390 dynym tokë, por kjo kërkesë është refuzuar për shkak se dokumentacioni nuk ishte i plotë.
Më pas çështja kalon në gjykatë e cila vendos kthimin e tokës të moshuarës. Pas fitimit të pronësisë, e moshuara pretendohet se bën një testament duke dhuruar tokën.
E moshuara është përdorur si trampolinë për fitimin pronësisë me pas ka dalë jashtë loje duke dhuruar pronën.
Sipas dëshmisë së vajzës së të ndjerës ajo dyshon se kemi të bëjmë me falsifikimin e tre dokumenteve. Është falsifikuar prokura e shtetasit Ardian Beci, njëkohësisht edhe testamenti i 99 vjeçares. Pjese e dosjes është edhe dëshmia e prokurores Tatjana Leçaj, emri i të cilës figuron te vërtetimi hipotekor i vitit 1997.Ajo ka dëshmuar se nuk e ka firmosur asnjë dokument hipotekor për më tepër në këtë periudhë ajo nuk punonte në hipotekën e Shkodrës, por në Prokurorinë e Tiranës.
Burimi: Dëshmia e Lule Zefi
Discussion about this post