Kanë dalë detaje të reja në lidhje me pengmarrjen në Tiranë të 31-vjeçarit Ermal Sorra. Mësohet se 31-vjeçari i ka marrë një shumë prej 20 mijë eurosh Denalda Çezmas duke i thënë se ishte prekur nga kanceri dhe kishte nevojë për para që të kurohej. Ermal Sorra dhe 37-vjeçarja që i dha 20 mijë eurot kishin shoqëri me njëri-tjetrin dhe ishin miq.
Sorra nuk i ka kthyer paratë dhe ajo kërkoi ndihmën e të fejuarit dhe shokëve të tij, që së bashku me të morën pjesë në rrëmbimin e 31-vjeçarit. Forcat e Komisariatit numër 6 në Tiranë kanë arritur të zbardhin ngjarjen dhe të identifikojnë autorët: Shkëlqim Koçeku, 37 vjeç, banues në Tiranë, me akuzën për veprat penale “Heqja e paligjshme e lirisë” duke përdorur torturën, kryer në bashkëpunim dhe “Largimi i të burgosurit nga vendi i qëndrimit”;
Denalda Çezma, 37 vjeçe, banuese në Tiranë, për veprën penale “Heqja e paligjshme e lirisë” duke përdorur torturën, kryer në bashkëpunim. Gjithashtu, u bë shpallja në kërkim e bashkëpunëtorit të tyre, shtetasit Sulltan Piraci, 30 vjeç, banues në Paskuqan, për veprën penale “Heqja e paligjshme e lirisë” duke përdorur torturën, kryer në bashkëpunim.
Sipas policisë, Sulltan Piraçi, në bashkëpunim me shtetasin Shkëlqim Koçekun dhe shtetasen Denalda Çezma, kanë marrë peng dhe më pas e kanë dhunuar fizikisht në banesën e 37-vjeçares shtetasin Ermal Sorra.
Discussion about this post