Pensioni ushqimor që lind si detyrim ndaj njërin nga prindërit pas divorcit mbetet ende një problem shoqëror që ka nevojë për sensibilizim. Referuar shifrave, thuajse 3 mijë shtetas në Shqipëri nuk kontribuojnë në rritjen e fëmijëve të tyre pas divorcit, kujdestarinë e të cilëve e ka prindi tjetër. Kryesisht janë meshkujt ata që refuzojnë të përkujdesen për fëmijët pas ndarjes, ndaj nënat detyrohet të adresojnë problemin e tyre në organet kompetente, ku duhet ndërhyrja e përmbarimit shtetëror për të ekzekutuar urdhrin e gjykatës, që cakton një tarifë mujore.
Arsyet që zakonisht japin përpara organeve kompetente lidhen me problemet ekonomike, ku përfshihet papunësia që sjell pamundësinë e sigurimit të parave për pensionin e fëmijëve të tyre.
Piro Lutaj, drejtor i përgjithshëm i përmbarimit shprehet se kjo shifër e lartë vjen nga mungesa e ndërgjegjësimit, pasi pas divorcit nuk e kuptojnë se për të vazhduar jetën, ata duhet të kujdesen për fëmijën.
“Në bazë të denoncimeve të shërbimeve të përmbarimit shumë nga këta shtetas kanë përfunduar të akuzuar në prokurori, ndërsa nuk mungojnë rastet e tjetërsimit të pasurive vetëm e vetëm që i ati të mos paguajë pensionin ushqimor”, shprehet ai.
Discussion about this post