Të mërkurën është bërë shpërndarja e pensioneve në vendin tonë bashkë me shtesat nga qeveria me anë të paketës së rezistencës sociale, por në qytetin e Elbasanit shumë prej tyre nuk janë përfitues të kësaj skeme dhe shprehen se jetesa është e papërballueshme.
Në dyert e zyrave të Postës Shqiptare në Elbasan, shumë prej pensionistëve nuk e përfituan bonusin.
“Ne nuk e përfitojmë, ata që e kanë 130. Po keq, mirë ato do merren dhe me ato do sakrifikojmë. Pensioni nuk del se ne jemi të sëmurë, ilaçe marrim përditë.”
Për ta ndarja e pensionistëve nuk është normale, ndaj apelojnë që shtesat të jepen për të gjithë.
“Unë jam me ilaçe, ja qesja me ilaçe. Ku më dalin mua ato. Mos bëjnë dallime. Kush merr 130 do t’i japin, kush me rr më shumë nuk e fiton. Është gjynah kështu.”
Pas protestave të qytetarëve kundër rritjes së çmimeve, qeveria shqiptare miratoi një ndihmë prej 3000 lekësh për pensionistët që merrnin më pak se 13 mijë lekë, ndërsa një numër i caktuar kategorish pensionistësh u përjashtuan nga bonusi.
Discussion about this post