Erling Haaland është padyshim një makineri golash. Sulmuesi norvegjez ka shënuar me një vazhdimësi mbresëlënëse dhe te Man. City ai është përshtatur në mënyrën perfekte me ekipin, duke finalizuar aksionet e “qytetarëve”… në ndeshjet e kampionatit ose deri në gjysmëfinalet e kompeticioneve me eliminim. Nëse bëhet fjalë për një finale, aty kemi një tjetër histori.
Skuadra e tij ka fituar FA Cup, UEFA Champions League dhe së fundmi e he Superkupën UEFA, por ai nuk ka qenë protagonist me gol në asnjë prej finaleve.
Po t’i shtosh edhe dy ndeshjet e Superkupës së Anglisë, ku Erling nuk ia doli të tundte rrjetën, rezulton se norvegjezi ka një problem të vogël me finalet.
Zero gola dhe zero asiste, bëjnë të mendohet se ndoshta Haaland vuan disi trysninë e finaleve (njësoj si Zlatan Ibrahimovic), ku merr gjithmonë një rol dytësor e ndodh shpesh që situatat i zgjidhin ata që luajnë pranë tij, apo në vend të tij.
E njëjta gjë i kishte ndodhur edhe në Superkupën e Gjermanisë kur vishte fanellën e Borusia Dortmund, ndaj Pep Guardiola duhet të fillojë të shqetësohet për këtë “trend” që ka krijuar sulmuesi norvegjez.
Discussion about this post