Udhëtimet në vendet ekzotike dhe darkat në restorantet më të shtrenjta në botë, janë kthyer në rutinë e zyrtarëve të Bashkisë Tiranë, të cilët mesa duket kanë Dubain si destinacionin e tyre të preferuar turistik.
Në median online, qarkullojnë detaje nga tenderi për blerje bileta udhëtimi për një vizitë tre ditore të Dubai, duke nxjerrë zbuluar krerët e Bashkisë Tiranë. Sipas dokumenteve, bashkia ka hapur një procedurë tenderimi për blerje bileta udhëtimi në Emiratet e Bashkuara Arabe. Tenderi është nën 8 milionë lekë të vjetra dhe është me objekt “blerje 3 bileta udhëtimi vajtje-ardhje me itinerar Tiranë-Dubai, Emiratet e Bashkuara Arabe – Tiranë.
Një udhëtim luksi, duke pasur parasysh zhvillimin e vendit në Lindjen e Mesme, apo edhe restorantet dhe dyqanet luksozë të shumtë, të cilët krerët tanë i njohin shumë mirë.
“Jeni të lutur të paraqisni ofertën tuaj për këtë objekt prokurimi me këto të dhëna blerje 1 biletë udhëtimi me nisje nga Tirana drejt Dubai-t do të bëhet në datën 31.10.2021 në drekë, pa ndalesë. Kthimi nga Dubai drejt Tiranës do të bëhet në datën 02.11.2021 në drekë, pas mesnate, mbërritja në Tiranë para orës 13.30, me një ndalesë” thuhet në dokumente, ndërsa ka të përfshira edhe bagazhet.
Ndërkohë, Bashkia e Tiranës do të blejë edhe 2 bileta të tjera, me të njëjta kushte, teksa kësaj herë këta dy zyrtarë do të kthehen në datën 3 nëntor 2021. Madje, këta zyrtarë i kanë kërkuar që mos të ketë ndalesa të tjera. Nuk dihet nëse do të jetë Arbjan Mazniku, ai që do të shoqërojë dy zyrtarët e tjerë, nisur nga fakti që ky i fundit i di vendet e mira në Dubai pasi ka qenë dhe herë tjetër.
Në 9 janar të këtij viti, restoranti i famshëm “Nusret” në Dubai postoi një video ku dukeshin teksa darkonin një grup personash. Në pamje duken nënkryetari i Bashkisë së Tiranës Arbjan Mazniku, drejtori i Komunikimit në kryeministri Endri Fuga me bashkëshorten, ministri i Rindërtimit Arben Ahmetaj, ministrja e Infrastrukturës Belinda Balluku dhe sipërmarrësi Samir Mane.
Aso kohe ngjarja u quajt një skandal pasi ndërsa vendi ynë ishte nën ujë nga përmbytjet, politikanët tanë darkonin në Dubai. Nëse marrim shembull një nga faturat e gjetura në Google, një racion nga bifteku i famshëm kushton 1250 AED, dhe pas një konvertimi në Euro, kuptojmë se bëhet fjalë për rreth 267.3
I menjëhershëm ishte reagimi i kryeministrit Rama, i cili u justifikua duke thënë se darka ishte takim pune dhe se shpenzimet mbuloheshin nga “mikpritësit”. Tani, kushdo të shkojë në Dubai, presim që të na serviri ndonjë foto nga “takimet e punës”./ D.L/ Gijotina.com
