Shkencëtarët thonë se kanë përdorur një rreze lazer për të kontrolluar rrufetë. Kjo teknikë e zhvilluar për herë të parë thonë ata do të ndihmojë në shmangien e rrufeve.
Rrufeja godet 40-120 herë në sekondë në mbarë botën, duke vrarë më shumë se 4000 njerëz dhe duke shkaktuar dëme me vlerë miliarda dollarë çdo vit. Një ekip shkencëtarësh nga gjashtë institucione kërkimore kanë punuar prej vitesh për të zëvendësuar shtyllën e thjeshtë metalike me një lazer shumë më të sofistikuar dhe preciz.
Në një studim të botuar në revistën “Nature Photonics”, ata përshkruajnë përdorimin e një rreze lazer, të shkrepur nga maja e një mali zviceran për të drejtuar një rrufe për më shumë se 50 metra.
Rrufeja është një shkarkim i elektricitetit të është krijuar në retë e stuhisë, ose midis reve dhe tokës. Rrezja lazer krijon plazmën, në të cilën jonet dhe elektronet e ngarkuara ngrohin ajrin.
Kjo rreze arrin të drejtojë më pas elementët brenda resë. Sipas shkencëtarëve kjo bëhet duke e larguar rrufenë por ekziston mundësia që kjo metodë edhe ta shkaktojë atë.
Kjo mund t’i lejojë shkencëtarët të mbrojnë më mirë vende të tilla si aeroportet ose platformat e lëshimit të raketave.
Discussion about this post