Vijojnë përplasjet mes dy grupimeve të në Partinë Demokratike, atë të Komisionit të Rithemelimit me grupin parlamentar të PD-së. Edhe ditën e sotme Komisioni i Rithemelimit nuk ka qenë dakord me mbledhjen e grupit parlamentar të thirrur nga Alibeaj, duke e quajtur si jo legjitime ndërsa nuk kanë munguar edhe akuzat mes deputetëve demokrat.
Në një postim në Twitter, deputeti Gazment Bardhi ka reaguar sërish duke bërë një pyetje siç e quan ai me ironi Rithemelimin “opozitës së vërtetë” nëse vilën 760 mijë euro e shitën apo s’po ia ble askush? Ai gjithashtu shkruan se nuk mund të mbahet peng opozita për një vilë të pajustifikuar për të cilën i mban peng Edi Rama.
“Pyetje për “opozitën e vërtetë”; vilën 760 mijë euro e shitën apo s’po ia lë askush? Nuk mund të mbash peng opozitën për një vilë të pajustifikuar që të ka zbuluar dhe me të cilën mban peng Edi Rama!!!” – shkruan Bardhi në Twitter.
Nuk dihet se me kë e ka Bardhi, por një gjë është e sigurt që pyetja është për një nga kolegët e tij të PD-së.
Discussion about this post