Ora 19:45 e kësaj të hëne do të jetë momenti i startimit të derbit midis Partizanit dhe Dinamos, që është ndeshje e vlefshme për javën e 13 të Superligës shqiptare, e cila do të luhet në ‘Air Albania’.
Duke folur në konferencën për mediat në prag të kësaj sfide të rëndësishme si nga kundërshtari, por ashtu edhe për pikët, trajneri i ‘Demave’, Ilir Daja foli për gjendjen e skuadrës.
“Derbi nuk ka lidhje me mënyrën se si vijnë skuadrat. Derbi është ndeshje e veçantë, që nuk shkon në sinkron në vazhdimësinë e ekipeve. Të dyja ekipet vijnë me humbje, por ne kemi tre fitore e dy barazime kohët e fundit. Mund të ishim më mirë me pikë, nëse do e kishim nisur mirë kampionatin. Mund të kishim 5-6 pikë më shumë pa gabimet individuale. Në Shkodër kundër Vllaznisë pritem tre rezultatet. Rikuperimi i pikëve u ndal në Shkodër. Derbi nuk luhet për spektakël, por për të fituar. Do bëjmë maksimumin t’ia dalim.”- tha ai.
Më tej ai ka theksuar se gjendja psikologjike e ekipit është e mirë dhe do të bëjë gjithçka për tre pikët.
“Nuk është ndjerë ndonjë efekt i madh negativ prej humbjes me Vllazninë. Kemi bërë stërvitje ndryshe prej reshjeve, në lojëra me qëllim ekipi ka ritëm dhe entuziazëm tjetër. Kemi analizuar ndeshjen me Vllazninë dhe kemi vënë re gjëra të mira. Psikologjikisht nuk ka pasur ndikim negativ.”-theksoi ai.
Tekniku i ‘Të kuqve’ të kryeqytetit ka treguar ndër të tjera edhe gjendjen e lojtarëve që do të mungojnë.
“Damcevksi mungon që nga ndeshje me Egnatian dhe ka një frakturë në dy brinjët. Pardje është operuar në mushkëri, operacioni ka dalë me sukses. Uroj të afrohet me grupin sa më shpejt. Gligorov ka tërheqje muskulore, pjesa tjetër janë gati. Portieri Hoxha dje për herë të parë është futur në stërvitje. Ka pasur një frakturë në gisht dhe loja kryesore është me duar.”-theksoi Ilir Daja./K.T/Gijotina.com
Discussion about this post