Largimi i Lionel Messit nga Barcelona ka trazuar të gjithë botën e futbollit. Shumë pikëpyetje qëndrojnë në mendjet e tifozëve të pleshtit tashmë.
E ndonëse ende nuk është zyrtare, pronarët e klubit të Paris Saint-Germain thuajse e kanë konfirmuar tashmë se argjentinasi do të jetë pjesë e tyre për 3 vitet e ardhshme.
Një pyetje që mund të jetë në mendjen e çdo sport ndjekësi në këto momente është:
Kush do e mbajë numrin 10 te PSG, Messi apo Neymar?
Dy lojtarët në fjalë janë miq të vjetër bashkë që nga koha kur braziliani ishte pjesë e katalanasve dhe shoqëria e tyre vazhdon ende, me Neymar që po përpiqet me gjithçka mundet që Messi të tranferohet në Francë.
Megjithatë çështja e numrit në fanellë do të krijonte një ‘përplasje’ mes miqve. Messi për shumë vitesh tashmë, më saktë që nga sezoni 2008-2009 mban këtë numër në kitin e tij, duke mos e ndryshuar në asnjë moment.
Nga ana tjetër 10 ka qenë numri i zgjedhur nga Neymar kur u transferua në Francë, i cili është i pëlqyer shumë për brazilianin.
A do jetë Messi ai që do ulë kokën dhe do pranojë një numër tjetër, apo ashtu si Ronaldo kur kaloi te Juventus dhe mori 7-ën edhe argjentinasi do këmbënguli për të mbajtur 10-ën te PSG, duke anashkaluar kështu mikun e tij?
Nga ana tjetër, po Neymar do vazhdojë me egoizmin e tij që e tregon shpeshherë në fushë dhe do tentojë të mos lëshojë pe, apo numri 10 do jetë si një dhuratë nga ky i fundit për mikun e vjetër?
Shumë pyetje këto, të cilat do të marrin përgjigje vetëm në momentin kur Messi të zyrtarizohet te PSG, nëse kjo gjë do të ndodh ndonjëherë./Gijotina.com
