Mbrëmjen e sotme do të nis java e dytë e Abissnet Superiore me ndeshjen Dinamo-Laçi. ‘Blutë’ e kryeqytetit presin në orën 19:45 bardhezinjtë e Shqipërisë në një takim që duket se nuk ka për të qenë i lehtë për asnjë prej palëve.
18 herë kampionët e vendit patën një rikthim të bukur pas 9 vitesh në elitën e futbollit shqiptar më fitoren 0-2 ndaj Kastriotit në transfertë, ku autori i golave ishte Stephen Chinedu.
Ndërsa kurbinasit nga ana tjetër u mundën në shtëpi nga Vlllaznia me rezultatin 3-5, në një takim që ishte shumë demoralizues për ta.
Megjithatë të dy ekipet kanë në përbërje emra nga më të mirët që luajnë në kampionatin tonë dhe pritet të zhvillojnë një takim shumë të bukur.
Dita e shtunë rezervo dy ndeshje po ashtu shumë të bukura, të konsideruar të dyja si supersfida. Partizani do të udhëtojë në drejtim të Korçës, ku në orën 16:45 do të përballet me vendasit në një takim që pritet të jetë shumë interesant.
Të dy këto ekipe e nisën keq ndeshjen e parë të sezonit 2021-2022, me Partizanin që u mund nga Teuta me rezultatin 1-0 dhe Skënderbeun që humbi në transfertë ndaj Tiranës me shifrat e thella 4-2. Tre pikët e kësaj ndeshje janë shumë të rëndësishme për rivalët e vjetër, ndaj dhe pritet të bëjnë lojë shumë intensive dhe të bukur.
Ndërsa në orën 19:45 do kemi përballje kampionësh në elitën e futbollit shqiptar. Vllaznia do të presë në ‘Loro Boriçi’ ekipin që ‘i mori nga duart’ Super Kupën e Shqipërisë dhe do mundohen të kthejnë nderin në shtëpi. Nga ana tjetër durrsakët e kanë këtë ndeshje si një tjetër provë të forcës së tyre.
Të dyja ekipet në fjalë e nisën me këmbën e mbarë javën e parë të kampionatit, nga e cila ‘Djemtë e Detit’ morën fitoren 1-0 ndaj Partizanit, ndërsa Kuqeblutë e Shkodrës triumfuan në transfertë ndaj Laçit me shifrat 3-5.
Dita e tretë dhe e fundit e raundit të dytë të Superligës është e diela, kur do të mbahen edhe dy sfidat e fundit. Tirana pret në shtëpi në orën 13:45 Egnatian, nga e cila do tentohet të merret fitorja e dytë, pas asaj me Skënderbeun. Ndërsa rrogozhinasit nga ana e tyre vijnë pas humbjes 1-3 me Kukësin dhe duan që të dalin nga rrethi i 0 pikëve.
Sfida e dytë e kësaj dite është ajo midis Kukësit dhe Kastriotit që fillon në orën 16:45, Verilindorët vijnë të uritur për të marrë fitoren e dytë, ashtu si nga ana tjetër skuadra e Krujës do përpiqet që të mos dalë pa asnjë pikë nga kjo sfidë./K.T/Gijotina.com
