Gjykata e Tiranës ka vendosur të caktojë masën e sigurisë “arrest me burg” për Astrit Terollin. Ky i fundit akuzohet se përdhunoi vajzën e mitur të shokut të tij. 55-vjeçari do vijojë të qëndrojë në burg të paktën deri në përfundim të hetimeve.
Terolli, i cili prej një muaj mbante në banesë familjen e mikut të tij nga Saranda, pasi një nga fëmijët e kësaj familjeje ndodhet në spital në koma, ka mohuar akuzat përpara gjykatës.
Lexo edhe: “Do i vras të gjithë”, rrëfehet 11-vjeçarja e abuzuar në Tiranë
Por, pavarësisht qëndrimit mohues të 55-vjeçarit, sipas akt ekspertizës e mitura është abuzuar. Ka qenë 12 vjeçarja e cila ka treguar cdo gjë prindërve.
Sipas saj, perpara se të abuzonte, Terolli i ka dhënë asaj të konsumojë alkool, kundra dëshirës me qëllim humbjen e vetëdijes. Gjithashtu edhe babai i vajzës po procedohet në gjendje të lirë. Pasi ka mësuar për ngjarjen ai është larguar nga banesa, e ka shkuar ka gjetur 55-vjeçarin e më pas e ka goditur dhe dhunuar atë.
Më pas ai vete e ka dorëzuar Terollin tek autoritetet duke bërë kallëzim për ngjarjen. Ndaj Astrit Terollit tashmë rëndon akuza e kryerjes së mardhënieve seksuale me dhune ndaj të miturve.
Discussion about this post