Ka shumë arsye pse një person mund të zgjedhë të përfundojë një bisedë – për shembull, personi tjetër mund të mos japë përgjigje të kënaqshme, mund të jeni duke u ngarkuar emocionalisht apo thjesht nuk keni asgjë më shumë për të thënë.
Por lloji më i keq i bisedave janë ato që janë toksike, që ju bëjnë të ndiheni në siklet dhe nuk kanë asnjë vlerë për ju. TikToker-i Jefferson Fisher, me profesion avokat, i cili “i mëson njerëzit se si të debatojnë dhe të komunikojnë”, ndau me ndjekësit metodën e tij për mbylljen e bisedave toksike.
Sipas Fisherit, mënyra më e mirë për të mbyllur një bisedë toksike është të thuash “I’m not going there”. Si mund ta përshtasim në shqip fjalinë? Ka disa versione. Për shembull:
- “E lëmë me kaq këtë diskutim.”
- “Po e anashkaloj këtë temë.”
- “S’dua të përfshihem fare.”
- “Po qëndroj larg kësaj bisede.”
- “S’dua ta prek fare si temë.”
Këto fjali nënkuptojnë që personi nuk dëshiron të përfshihet ose të diskutojë një temë, situatë ose mendim të caktuar dhe shfaq dëshirë për të shmangur një temë specifike.
Sipas Fisher, një frazë e tillë lë të nënkuptuar se ju nuk keni asgjë për të thënë dhe vendosni kufij në bisedë. Në të njëjtën kohë, tregoheni të sjellshëm dhe korrekt. /Shqip/
Discussion about this post