Tre banese në Kuçovë në lagjen “1 Maji”, janë përfshirë nga flakët mesditën e sotme. Shkak për rënien e zjarrit mendohet se është bërë një shkëndijë elektrike.
Në ndihmë të forcave të pakta zjarrëfikëse të qytetit të Kuçovës kanë shkuar 4 mjete zjarrfikëse dhe 10 efektivë nga Drejtoria e Shërbimit Zjarrëfikës Berat.
Zjarri është përhapur me shpejtësi dhe vetëm rreth 35 minuta pas rënies së tij, zjarrëfikësit kanë mundur të lokalizojnë flakët dhe ta shuajnë atë, duke shmangur edhe përhapjen drejt banesave të tjera ngjitur.
Si pasojë e zjarrit,që tashmë është fikur plotësisht, ka pasur dëme të mëdha materiale në të tre banesat, por fatmirësisht nuk ka pasur asnjë të lënduar.
Discussion about this post