Përfshihet nga flakët një banesë në katin e parë të një pallati në unazën e qytetit të Korçës. Ngjarja ka ndodhur në afërsi të zonës të quajtur “Ura e Fajancës”.
Mësohet se brenda në banesë ka qenë një grua e sëmurë, e cila është nxjerrë menjëherë jashtë. Nuk dihen rrethanat e zjarrit, por zjarrfikësja është ende në vendngjarje për të shuar flakët.
Edhe policia me forca të shtuara bëri të mundur largimin e të gjithë njerëzve që ndodheshin brenda pallatit ku ra zjarri.
Njoftimi i policisë
Korçë/Informacion paraprak
Më datë 03.02.2024, rreth orës 07:30, në lagjen nr.8, Korçë, ka rënë zjarr në banesen e shtetases R. E., rreth 64 vjeçe, e cila u asfiksua nga tymi dhe u dërgua në spital ku po merr ndihmën mjekësore.
Në vendngjarje ndodhen forcat e Policisë që po evakuojnë banorët e tjerë të pallatit, si dhe shërbimet e zjarrfikëseve, të cilat po bëjnë shuarjen e zjarrit.
Grupi hetimor po punon për zbardhjen e shkaqeve të rëneis së zjarrit.
Discussion about this post