Një makinë është përfshirë nga flakët këtë mëngjes në aksin rrugor “Ura e Kardhiqit – Delvinë”.
Ngjarja ka ndodhur rreth orës 08:55 në afërsi të tunelit të Skërficës.
Dyshohet se shkak është bërë një shkëndije elektrike.
Automjeti tip “Benz” ka pësuar dëme materiale, ndërsa shoferi ka arritur të dalë në kohë dhe është në gjendje të mirë shëndetësore.
Policia bën me dije se ngjarja ka ndodhur në afërsi të tunelit të Skërficës, ku dyshohet se për shkak të një shkëndije elektrike, ka marrë flakë në lëvizje, automjeti tip “Benz”, me drejtues shtetasin K. B., banues në Sarandë.
Si pasojë ka vetëm dëme materiale. Grupi hetimor vijon punën për përcaktimin e shkakut të rënies së zjarrit.
Discussion about this post