Përfshihet nga zjarri një sipërfaqe toke në Krujë, flakët rrezikojnë banesat

Mësohet se një sipërfaqe me shkurre e ullishte është përfshirë nga flaket në Krujë. Zjarri i favorizuar nga era rrezikon edhe banesat aty pranë.

Kujtojmë se ditën e sotme u raportua që në operacionet e shuarjes së vatrave gjatë 24 orëve të fundit janë angazhuar 408 forca operacionale, të Shërbimit te Mbrojtjes nga Zjarri dhe Shpëtimi , Forca të Armatosura, forca bashkiake, forca policore, punonjës të Administratës së Zonave të Mbrojtura, shërbimi pyjor, forca vullnetare dhe janë angazhuar 37 mjete zjarrfikëse.

Ndërkohë sipas të dhënave nga Qendra Kombëtare Operacionale e Emergjencave Civile ne AKMC, gjatë 24 orëve të fundit janë raportuar 25 vatra zjarri.