Sapo ka përfunduar para pak minutash betimi i kryeministrit Edi Rama dhe 16 ministrave të qeverisë për katër vitet e ardhshme në pushtet.
Betimi është bërë në ambientet e brendshme të Presidencës para kreut të shtetit Ilir Meta, pa praninë e mediave. Qeveria e re do të përbëhet nga 12 gra e 5 burra bashkë me kryeministrin.
“Rama 3” u miratua me 77 vota pro në Kuvend mëngjesin e djeshëm, pas një seance maratonë diskutimesh, ku u prezantua programi i ri qeverisës për katër vitet e ardhshme.
Dy ditë më parë, Meta bëri edhe dekretimin zyrtar të ministrave të kabinetit pasi u sigurua se këta të fundit nuk kishin precedent kriminalë apo dosje të hapura nëpër prokurori.
Emrat e ministrave të qeverisë “Rama 3”
Kryeministër – Edi Rama
Zëvendëskryeministër (do mbikëqyrë edhe rindërtimin) – Arben Ahmetaj
Ministre për Europën dhe Punëte Jashtme – Olta Xhacka
Ministër i Mbrojtjes – Niko Peleshi
Ministër i Drejtësisë – Ulsi Manja
Ministër i Punëve tëBrendshme – Bledi Çuçi
Ministre e Financave dhe Ekonomisë – Delina Ibrahimi
Ministre e Infrastrukturës dhe Energjisë- Belinda Balluku
Ministre e Shëndetësisë dhe Mirëqenies Sociale – Ogerta Manastirliu
Ministre e Arsimit dhe Sportit – Evis Kushi
Ministre e Bujqësisë dhe Zhvillimit Rural- Frida Krifca
Ministre e Kulturës – Elva Margariti
Ministre e Mjedisit dhe Turizmit – Mirela Kumbaro
4 ministra shteti
Elisa Spiropali për Marrëdhëniet me Parlamentin
Edona Bilalli ministre shteti për Mbrojtjen e Sipërmarrjes
Bora Muzhaqi ministre Shteti për Rininë dhe Fëmijët
Milva Ekonomi, ministre Shteti për Standardet e Shërbimeve
