Pak minuta më parë ka përfunduar mbledhja e Grupit Parlamentar të Partisë Socialiste. Mësohet se duket se ende nuk ka një vendim për fatin e djalit deputet të Aqif Rakipit, Orlando Rakipi. Babai i këtij të fundit u shpall “non grata” nga Shtetet e Bashkuara të Amerikës.
Gjithashtu në mbledhjen e sotme, fokusin më të madh e kishte procesi i zgjedhjes së presidentit të ri. Deputetë socialistë hodhën në kuti zarfin me tre emra për kreun e shtetit. Kryeministri Edi Rama foli gjatë për presidentin e ri, ku theksoi se duhet të zgjedhin një president normal, teksa Ilir Metën e cilësoi si më skandalozin që ka njohur historia.
Siç duket Partia Socialiste nuk do që të humbasë asnjë votë në zgjedhjen e Presidentit të ri dhe për këtë nuk ka marrë një vendim për përjashtimin e Orlando Rakipit.
Discussion about this post